0
0 Comments

السلام عليكم ورحمة الله وبركاته
هلا يا شيخ
حلمت اني كنت في غرفتي وعندي خزانه متكسره(خربانه)بس انا تاركتها ف حالها واهتم بأموري وأمور أولادي وشفت مرت  على نافذتي زوجة اخوي، وبعدين شفت اني خرجت عند اهلي وبعدين رجعت غرفتي وتفاجأت بالخزانه مكسره على الآخر تكسير رهيب والكل كان متفاجأ من هول التكسير الي

شافوه، واخبرت امي اني انا شفت زوجة اخوي الوحيده الي مرت علي، امي ردت علي انا مصدقتنك بس العين ما شاهده، ولما سمعت امي ردت علي كذا سكت، وبعد شوي شفت ابوي جاي و عليه ملابس بيضا وعمامه بيضا وغضبان وزوجة اخوي واقفه ترتجف وخايفه وكأنه ابوي فاجأها بظهوره وينظر إليها

ووجه الى السؤال انت من شفتي،قلت ف نفسي أمري إلى الله واقول الي شفته وكنت خايفه وخبرته اني شفت زوجة اخوي، سكت شوي ونظر للجميع وقال :فعلا هيه، وانا ارتحت لاني حسيت انه بدأ ينكشف شي من حديث ابوي وتوجه بالسؤال وهو غضبان :ايش بينها وبين هذي البنت(يعني انا) لما

سويت هذا ظلت زوجة اخوي ترتجف وما قادره تتكلم، وبعدين توجه لأمي :البنت كانت تقولكم ليش ما تحركتوا، ردت امي عليه وقالت :العين ما شاهده، قالها:شمعنى قالتلكم هذي وما قالت حد ثاني الا لأنها هيه فعلا والبنت صادقه وهذا الدليل(كان ابوي يحمل كأنه أوراق بأيده اليمين تثبت الأمر) وقام بقص

تفاصيل الحدث باليوم والساعه وكيف ومتى والبصمه اثبتت ذلك وكأنه كان موجود ف مكان الحدث، وانا بنفسي تفاجأت، وتفاجأالجميع، وقال اخوي مهدي :يمكن احد كان معها، رد ابوي :لا كانت وحدها زوجة اخوكم وبعدين مسك اختي فتحيه وقالها:ايش تقولي لاختك تصبر، على ايش تصبر، هذا ماشي ينصبر

عليه، كوني مكانها بس اترضى بهذا لما تحاولي على اختك تصبر وتكمل حياتها، اختي نكست راسها وكأنها استحيت من ابوي (وكان معروف بين الناس مستحيل وما تجي اصلا اني انا الي كسرت الخزانه والدليل اني وقت كسر الخزانه اثبت اني ما كنت موجوده ف الغرفه اصلا فذاك الوقت وابوي أكد ذالك ف

الدليل، من غير التهم الي قيل عني  مهمله ف أولادي وغيره ) وهنا شفت ابوي بعد ما شهد الاهل إلى بالبيت ببراءتي من تكسير واهمال طلب من اخوي مهدي يطلب رجال الحاره يحضروا ويشهدو على فعل زوجة اخوي قبل عن يتخلص منها وهنا شفت ابوي يشهد الرجال وما شفت ابوي كيف تخلص منها، وف الأخير شفت ابوي جالس جنب امي وهو يقولها من كذاك البنت كانت ما تتكلم  ما تنلام من الصدمه  وانا حسيت براحه من بعدها.

وقت الحلم :قبل وفاة الوالد بسنه
الحاله: مطلقه
العمر:٣٨ سنه

 

الجواب / بسم الله والحمد لله والصلاة والسلام على رسول الله                           وبعد :

هذه الرؤيا تدل على أن هناك امرأة تسببت لك بمشاكل ومنها الطلاق لأن الخزانة أو دولاب الملابس يدل على الحياة الزوجية والعائلة ، والله اعلى واعلم .

Mamdoh Ali Changed status to publish يناير 18, 2022
Add a Comment