0
0 Comments

السلام عليكم ورحمة الله وبركاته

حلمت ان رايحه المستشفى وعندي ولد صغير شايلتنه بين يدي وكان فيه طبيب يشخص العله اللي  عندي واعطاني علاجي وحطني تحت الملاحظه ف المستشفى انا والطفل وبعدها راح يكمل شغله المهم اني طفشت من الجلسه ع السرير وقمت واخذت لي لفه بين مرافق المستشفى وبجناح صالة الولاده طلع لي الطبيب نفسه اللي عالجني وهو فرحان ويقولي الحمدلله صارت وتمت الولاده بدون جراحه وسبحان الله لما سمعته يقولي كذا فرحت و صرت اشكر الله واحمده كثير وبعدها صرت ادعي الله واقول يااا الله ارزقني برزقهم ان اولد بدون جراحه وكنت متأثره وانا ادعو حتى صارت عيوني تدمع لما ادعوا الله..

المهم بعدها مرت علي ممرضه وقالت لي خذيتي الدوا حاطتلك اياه عند السرير قلتلها ان شاء الله ورحت  شربته وكان حبوب بندول مسكن آلالام  وبعدها صار وقت الاستلقاء  الراحه والنوم لما جيت انام حصلت الطبيب جالس جنبي عند السرير فجلست احاول ارتب كيف انام انا والطفل بالسرير بشكل لائق بسبب وجود الطبيب لانه م ينفع اتمدد وهو جنبي رغم اني مرتاحتله كثير وواثقه فيه  فرد علي الطبيب عادي لا تستحي انا طبيبك وعادي استلقي لاني موجود هنا حتى اراقب حالتك وانتي تحت الملاحظه  واستحيت وسكتت وجلست م نمت ع السرير لاني م اريد انام وهو موجود لانه رجل غريب واجنبي بعدها صار المكان وكأنه صار وقت وجبة الغدا بس الغريب انه وحده من اخواتي موجوده م واضحه عندي بالحلم من تكون +اخت زوجي الصغيره موجوده والطبيب ايضا موجود..

وبوجود الطبيب احترت  كيف نجلس ع السفره المهم انا انعزلت ع صوب وصارن اختي واخت زوجي والطبيب جنب بعض لكن اختي واخت زوجي قالن لي تعالي هنا جلسي ويأشرن جنب الطبيب قلتلهن م يصير اجلس جنبه وقالن حتى حنا م يصير نجلس جنبه لكن انتي طبيبك يعني اقرب منا واولى تجلسي جنبه وهو يقول لي عادي تعالي م اقولك شي كله نتغدى وننهض  المهم ان انا ثرت عليهن لما قالن كذا ورديت عليهن طيب يحضر زوجته تجلس جنبه وعدنا حنا نجلس براحتنا مع بعض وناكل كلنا رغم اني م اعرف اذا الطبيب متزوج او لا بس كذا طلعت من عندي فاندهش الطبيب وسكت وصار يطالعني وهو ساكت وخلص الحلم 🤷‍♀️..

الجواب / بسم الله والحمد لله والصلاة والسلام على رسول الله                       وبعد :

هذه الرؤيا تبشرك بالحمل بولد وولادته ولاده طبيعية بإذن الله تعالى وأنه سيأتيكم ومعه رزق من الله تعالى والله اعلى واعلم ……

Mamdoh Ali Changed status to publish فبراير 23, 2022
Add a Comment